CAGAYAN DE ORO CITY-Pangunaya’g imbestigar sa konseho ang giingong paglugwa’g hugaw partikular sa ‘duga’ gikan sa sanitary landfill diha sa Brgy Pagalungan sa syudad.
Kini human gitukod ang task force aron susihon ang maong basurahan nga unang gidudahang hinungdan sa kontaminasyon sa suba sa Brgy San Simon.
Gibutyag ni San Simon Brgy Kag Fernando Edralin nga unta malugwa ang tinood sa imbestigayon.
Giakusar ni Edralin nga 30 sa ilang mga residente ang gikangkagid ug nagka-amoeba sa pagka-kontaminar sa ilang suba niadtong Setyembre ning tuiga.
Una nang namugos si Bing Mabelin sa City Solid Waste Management Task Force nga dili basta-basta makamugna’g kontaminasyon sa panubig sa suba ang maong landfill tungod sa hugot nga monitoring niini.
