CAGAYAN DE ORO CITY-Gitutukan sa Task Force ABC de Zapanta ang usa na lamang gikan sa tulo ka persons of interest o POI nga dunay posibleng kalambigitan sa pagpusil-patay kang Danao Brgy Kapitan Alfredo Zapanta sa lungsod sa Jasaan,Misamis Oriental.
Kini subay sa labing ulahi nga case evaluation sa task force nga padayong nag-imbestigar sa kamatayon ni Zapanta sa maong lungsod.
Miingon si Jasaan Police Station commander C/Insp Rogelio Labor nga pabiling abli pa gihapon sila sa mga testigo aron makasulbad sa maong kaso.
Gitakda usab nga ipaubos sa laing hugna sa otopsiya ang patay’ng lawas sa biktima aron mapalig-on pa ang imbestigasyon.
