CAGAYAN DE ORO CITY-Naila ang patay’ng lawas nga nakit-ang naglutaw sa Agutayan,Jasaan,Misamis Oriental.
Segun sa mga mangingisda nga sila Nandel ug Robert Flores, napalgan nila ang patay’ng lawas sa usa ka lalaki sayo pa sa buntag kagahapon.
Personal nga giila sa mga igsoon ang napalgang biktima nga si Felisardo Bal-ugan Ocio, lumad nga taga Lagonglong ning lalawigan.
Segun sa mga namatyan, human nila madunggan sa Bombo Radyo ang report nga dunay nalumos nga lalaki, gilayon silang nagpatabang sa Jasaan Police Station.
Una niini, gibutyag sa igsoon sabitkima nga nanguhag kawayan si Ocio sa Manolo Fortich Bukidnon ug aksidente kining nadala sa kusog nga sulog human mitabok sa suba.
