CAGAYAN DE ORO CITY – Gipalawman pa sa kapolisan ang imbestigasyon sa pagpamusil sa Purok 5 Poblacion, Manticao, Misamis Oriental.
Giila ang biktima nga si Ronnie Pontillano, 40-anyos ug molopyo sa maong dapit.
Gibutyag ni Manticao Police Station commander Capt. Renz Serrano nga kanunay’ng makakitag away ang biktima panahon nga mahubog kini.
Dugang ni Serrano nga miguwa sa ilang inisyal nga imbestigasyon nga duha ka tawo ang miluthang sa biktima diin nakaangkon sa samad sa agtang ug lawas nga nagresulta sa kamatayon niini.
