CAGAYAN DE ORO CITY-Nagpabiling misteryo ang pagkatawo sa patay’ng lawas nga napalgan nga naglutaw sa suba sa Cagayan de Oro ning syudad sa miaging adlaw.
Nabangalan ang patay’ng lawas sa usa ka lalaki ilawom sa J.R Borja Bridge, Isla de Oro, Brgy 13 ning syudad.
Base sa report ni Dr. Christian Caballes,medico legal officer sa Scene of the Crime Operatives nga gibana-bana nga anaa sa 30 hangtud 40 anyos ang biktima ug dunay gitas-on nga 5’7.
Nakasul-ob lamang kini ug cycling short dihang nakit-an sa maong lugar.
Una niini,gibutyag sa SOCO nga walay foul play ang kamatayon sa biktima diin posibleng nalumos lamang sa suba ning syudad.
