CAGAYAN DE ORO CITY – Wala mobilib si City Vice Mayor Rainer Joaquin Uy sa sugyot ni opposition City Councilor Atty Lordan Suan nga hatagan sa tax amnesty ang mga negosyante nga dunay dagkong obligasyon sa buluhisan sa dakbayan.
Kini human daw nagsilbing ‘false hope’ alang sa bise-mayor ang maong lakang ni Suan.
Miingon si Uy nga ang angay hatagan sa amnestiya kadtong mga negosyante nga tinud-anay nagbayad sa buhis bisan sa pandemya.
Una nang gipasalig sa bise-mayor nga iduso sa duha ka komitiba ang sugyot ni Suan aron masuta kon dunay tsansa mahimua’g ordinansa.
Samtang pagluwas sa kagutom sa katawhan ug paghatag sa economic relief ang iyang sugyot nga tax amnesty ngadto sa mga naglisod nga mga negosyante sa dakbayan.
Kini ang pagpamugos ni opposition City Councilor Atty Lordan Suan kon nganong angay hatagan sa konsiderasyon ang tax obligation sa mga negosyante sa syudad.
Miingon si Suan nga aron mahatagan sa ayuda ang katawhan angay hatagan sa amnestiya ang mga negosyante ilabina nga ubos sa modified ECQ ang dakbayan.
