CAGAYAN DE ORO CITY – Singlon sa komitiba ni City Councilor Bong Lao ang Land Transportation and Franchising and Regulatory Board (LTFRB) kalabot na sa mga tulibagbag nga mga taxi drivers nga nagtrending sa social media.
Sa interbyu sa Bombo Radyo sa chairman sa Public Utilities sa konseho, siya miingon nga niadto pang miaging semana siya nagpadala sa reklamo sa buhatan ni LTFRB Chairman Alan Guro.
Pagbukas sa session karong Lunes, iprioridad ni Lao ang pagpaningil sa LTFRB sa resulta sa ilang imbestigasyon ug sutaon ang identidad sa operator ug taxi driver nga nagdala sa plaka nga ABC 2959, human kini migamit sa makalipong nga spray sulod sa iyang unit, samtang ang maneho gikan Maria Reyna padulong sa lungsod sa Tagoloan, sa Misamis Oriental.
