CAGAYAN DE ORO CITY-Nagtoo ang taxi operators sa syudad nga hinay-hinay nga pagpatay sa ilang panginabuhian ang pagsulod sa mga “Grab a car” sa syudad.
Si Dodong Clemenia, presidente sa taxi operators miingon nga aminado sila nga adunay advantages nga mahatag sa pagsulod sa mga unmarked vehicle.
Apan tungod kay pilian sa sakyanan ang mga pasahero sa syudad dako ang posibilidad nga wala na’y mosakay sa mga taxi ug didto na sa ‘grab a car’.
Samtang gihupay sa manager sa Grab nga si Andre Chavez ang kabalaka sa taxi operators nga mawad-an sila’g panginabuhian.
Sumala ni Chavez nga nakasandig sa sumasakay ang ilang kapalaran kalabot na sa himoon nga testing sulod sa tulo ka bulan.
Siya miingon nga pinaagi sa maong proseso ilang mahibal-an kung moangay ba ang mga pasahero sa serbisyo sa grab a taxi.
Kun ugaling ilang makita nga hinay ang kooperasyon sa mga commuters, dili nila ipugos ang pagsulod sa mga unmarked vehicle.
