Willing ang mga taxi operators sa syudad nga mobayad ug mas dako nga kantidad nga ₱1,800–₱1,900 alang sa calibrator ug ₱510 sa filing fee kaysa mag‑avail sa taripa option.
Kini ang gibutyag ni CAFETADA President Bernie Jamaca sa iyang pakighinabi sa Bombo Radyo.
Matod pa niya, mas gusto sa mga operators ang calibration aron hapsay ug diretsong makita sa mga pasahero ang pamasahe tungod kay adunay recibo.
Gisaysay usab nga sa miaging tuig pa migula ang memorandum circular alang sa calibration sa metro sa mga taxi, apan hangtod karon wala pa kini matuman tungod kay dili uyon ang ubang operators.
Sa laing bahin, tataw usab nga giingon ni Jamaca nga dili sila supak sa calibration sa metro.
Gani, pabor pa sila niini kay mas makahatag og kalinaw sa ilang pagpamasada ug makatabang sa ilang inadlaw‑adlaw nga kinitaan.
