CAGAYAN DE ORO CITY-Gihagit ni Dodong Clemenia, presidente sa taxi operators ang lokal nga kagamhanan nga hatagan sila’g garantiya nga dili mawala ang mga taxi kun ugaling mosulod sa syudad ang “Grab a car”.
Matud ni Clemenia nga kinahanglang ipasalig sa mga opisyal sa syudad ngadto kanila nga dili sila mawad-an og panginabuhian.
Nanawagan si Clemenia nga kinahanglang sila ang i-prayoridad ug dili ang mga unmarked vehicle.
Samtang giawhag ni Grab manager Andre Chavez ang taxi operators nga nagbato’g 3 year-old nga sakyanan paubos nga mag-apply sa LTFRB aron himoon nga ‘grab a taxi’ ang ilang sakyanan.
Si Chavez miingon nga dili mahimo nga magdugang sila’g daghang sakyanan sa syudad tungod sa problema sa trapiko.
Nagtoo si Chavez nga kung daghan ang mga unmarked vehicle sa syudad, mas mosamot ang pagkabukog sa dagan sa trapiko sa dakbayan.
