CAGAYAN DE ORO CITY – Nag-trending sa social media ang nahitabo sa lalaking tayador sa Small Town Lottery o STL nga giingong naliso-an sa iyang maayong pangisip dinhi sa syudad.
Kini human ipahunong ni Pres. Rodrigo Duterte ang operasyon sa STL, Keno ug Peryahan ng Bayan tungod sa giingong naghitak nga korapsiyon sa Philippine Charity Sweeptakes Office o PCSO.
Mismo si Stella Ferrariz, kinsa psycho-metrician ug consultant sa Philippine Mental Health Association o PMHA-CDO-Misamis Oriental Chapter ang nagkompirma niini sa Bombo Radyo kagahapon.
Miingon si Ferrariz, nga iyang gipaubos sa counselling maong tayador nga taga Brgy. Balubal aron mobalik ang maayong pangisip niini.
Nagkanayon si Ferrariz nga mao kini kanunay’ng mahitabo sa mga tawong isalig sa sugal ang ilang panginabuhian.
