CAGAYAN DE ORO CITY-Gikompirmar sa Corrales Elementary School nga dunay usa nila ka magtutudlo ang kasuhan sa dul-ag 30 ka ginikanan sa piskalya ning syudad.
Kini kon dili mahusay sa level sa school principal ang bangi tali sa mga ginikanan batok sa magtutudlo nga si Belly Gracines sa maong tunghaan sa syudad.
Miingon si Porperio Padinit, principal sa Corrales Elementary School nga gipaningkamutan niya nga makumbinser si Gracines nga mangayo’g pasaylo batok sa giingong pagdagmal sa pipila ka tinu-an apan nagdumili kini.
Kini ang hinungdan nga mapugos na lamang ang mga ginikanan pagkaso batok kaniya aron mahataga’g hustisya ang giingong mga biktima.
Una usab niini, gikuhaa’g panig sa Bombo Radyo si Gracines apan nagdumili kini pagpahinabi sa kahanginan aron pagtubag unta sa isyu.
