CAGAYAN DE ORO CITY – Gisalikway sa hingpit sa team leader sa rebeldeng New People’s Army o NPA ang giingong idolihiya sa komunistang grupo nga naghawid kaniya sulod sa duha ka tuig sa Bukidnon.
Kini human hingpit naka-surender ang NPA member nga si alyas Dave kinsa nagsilbing team leader sa ABE Squad 3,Platoon 3 sa North Central Mindanao Region.
Miingon si 8IB Philippine Army commander Lt. Col. Ronald Illana nga dala ni alyas Dave ang improvised M16 ug 1 magazine 5.56mm ammunitions sa pagdangop sa gobierno gikan pila ka bulan nga pagtagu-tago sugod Enero hangtod ning bulana.
Dugang ni Illana nga kini na ang ika-68 ka sakop sa NPA nga mi-surender balik sa gobyerno sukad gipatuman ang Enchanced Comprehensive Livelihood Program o E-CLIP sa militar kauban ang nagkaiyang buhatan sa kagamhanan sa nasud.
