CAGAYAN DE ORO CITY – Gidawat sa defending champion Team USA ang ilang pagka-tangtang sa quarterfinal round sa 2019 FIBA Worldcup didto sa China.
Kini human gipildi sa Team France ang Amerika sa kulbahinam nila nga dula sa final score 89-79 sa miaging kagabii.
Miingon si USA basketball coach Gregg Popovich nga nagbaton sa talagsaong abilidad ang Pransya rason nga angay lamang sila hatagan sa pagdayeg.
Kini gumikan sa pagbaton sa maayong performance diin wala magdahom ang world boxing fans nga pildihon sa Pransya ang powerhouse Amerika.
Dumduman nga pulos NBA players ang naglangkob sa USA apan wala kini magsilbi sa pakigsangka sa Pransya.
Tungod niini,makigdula na lamang ang Amerika batok sa Serbia sa classification game.
