CAGAYAN DE ORO CITY – Gihuptan pa gihapon sa Team USA ang no.1 spot sa FIBA World men’s ranking bisan sa ilang pagsilbing 7th placer sa World Cup nga gihimo sa China sa miaging semana.
Kini tungod sa nahuptang maayo nga record results sa Amerika sa milabay’ng walo ka tuig nga naglakip sa duha ka Olympic gold medals ug World Cup title sa 2014.
Nagsunod sa Amerika ang 2019 FIBA Worldcup gold medalist Spain,no.3 ang Australia samtang nagsaka sa no.4 ang Argentina ug Pransya sa ikalimang puwesto.
Nakasulod usab sa top 10 ang mga team gikan sa Serbia, Greece, Lithuania, Russia ug Czech Republic.
Hisayrang kabahin usab ang Gilas Pilipinas national team nga miapil sa liga apan pakyas kining makaabante sa quarter finals tungod sa sunod-sunod nga kaparutan.
