CAGAYAN DE ORO CITY-Nakasaad ang telecommunications company providers nga hatagan sa maayo nga serbisyo ang internet users dinhi sa dakbayan.
Kini human gipatawag ang representante gikan sa kompanyang Globe,Smart,Sun Cellular ug PLDT atol sa pagpatawag kanila sa public utility komite sa konseho sa syudad.
Gibutyag ni Kag Teodulfo ‘Bong’ Lao nga bisitahon usab nila ang ordinansya kabahin sa maong panginahanglan aron masulbad ang hinay nga internet connections sa syudad.
Nakatilaw sa pagsaway gikan sa ilang customers ang maong mga kompanya tungod kay dismayado sila sa inotil nga serbisyo nga nahatag niini sa miaging mga bulan.
