CAGAYAN DE ORO CITY – Mohimo pa sa dugang representasyon sa katawhan sa Misamis Oriental si reigning Ms Philippines Earth Air Jimema Tempra sa laing national pageant competitions sa kauluhan.
Pasalig kini sa 19 anyos nga si Tempera dungan sa paghatag pag-ila kaniya ni Misamis Oriental Provincial Gov Peter ‘Senior Pedro’ Unabia atol sa pagpakayab sa nasudnong bandila sa kapitolyo probinsyal kagahapong adlawa.
Miingon ang garbo sa lungsod sa Jasaan ning lalawigan hangtod karon halos dili pa gihapon kini makatoo sa iyang kabatan-on,nasakmit niini ang maong titulo sanglit daghang mas season pa nga kandidata ang nag-apil sa indigay sa kaanyag ning tuiga.
Wala usab niini kalimti ang pagpasalamat si Misamis Oriental 2nd Distirct Cong Bambi Emano kinsa mihingusog sa programang turismo diin kabahin ang tinuig nga Kuyamis Festival sa kasaulugan aron madiskobre ang kaanyag ug kalantip sa salabutan sa daghang dalaga sa lalawigan.
Si Tempra mao usa’y reigning 1st runner up sa Kuyamis Festival sa lalawigan ning tuiga
