CAGAYAN DE ORO CITY – Gilugwayan sa city govt sa laing tulo ka bulan ang pagserbisyo sa kompanyang Tencil Environmental Managament aron hingpit tibawason ang paghakot sa mga nagtapun-og nga mga basura palibot sa dakbayan.
Kini human hupas na unta ang kontrata sa Tencil epektibo niadtong Sabado.Gipangunaya’g gisa ni District 1 City Councilor Atty. Jose Pepe Abbu Jr si CLENRO manager Engr Armen Cuenca kung unsay mahitabo sa paghakot sa mga basura sanglit walay gihimong public bidding alang sa mga kompanya nga intresado sa maong serbisyo ning dakbayan.
Miingon si Cuenca nga unang gihangyo niya nga mahatagan sa duha ka bulan ang Tencil aron tiwason ang ilang obligasyon apan mismo na ang Bids and Award Committee sa city govt ang nagtugot nga himoong 90 diyas sa pagsiguro mahingpit ang kalimpyo sa dakbayan.
Hisayrang sa gihimong committee inquiry sa konseho,nabulgar nga wala masunod sa Tencil ang 65 ka trucks inay 45 lang ang nagdagan ug nangulekta sa mga basura rason gilangaw ang pipila ka bahin sa dakbayan.
