CAGAYAN DE ORO CITY-Laraw sa konseho sa Barangay Nazareth nga itukod ang ilang 4 storey Barangay Hall sa mismong tennis court nga naputos sa kontrobersiya ning panahona.
Gibutyag Nazareth Brgy Kapitan John John Rodriguez nga angayang gubaon ang tennis court nga gidumala ni Atty Tiburcio Palasan.
Namugos si Rodriguez nga naputos sa ilegal gambling ug prostitusyon ang maong lugar.
Gawas niini, bisan public infrastructure, gadawatan sa P50 nga monthly dues ang pundok ni Palasan.
Una niini, gisupak ni Palasan ang alegasyon nga gihimong gambling site ang korte.
Siya namahayag nga kas-a ra nahitabo ang nahitabong “gambling incident”.
Wala na mikomento si Palasan sa isyu sa prostitusyon sulod sa tennis court.
