CAGAYAN DE ORO CITY – Duawon ni Defense Sec Gilbert Teodoro Jr ang katawhan sa Marawi City ning adlawa.Kini aron pagsuta sa kahimtang sa rehabilitasyon ilabina sa mga imprastraktura nga gitukod sukad pa sa Duterte administration.
Miingon si Lanao del Sur 1st District Cong. Zia Adiong nga apil sa susihon sa kalilim ang ubang nag-unang panginahanglan sa mga bakwit ilabina ang koneksyon sa koryente ug panubig.
Sulod ning semanaha, giduaw sa mga kongresista kuyog si Mindanao Affairs Committee chairman Misamis Oriental District Congressman Bambi Emano ang katawhan sa Marawi kabahin sa maong katuyuan.
Una nang napahunong ang kamulong bulk water facility project sa Marawi City kay dunay kuwestiyong-legal rason nga apil sa hisgutan ni Teodoro sa iyang pagduaw ning adlawa.
Hisayrang sobra pito ka tuig na ang rehabilitasyon sa Marawi City battle affected area apan kamulo pa ang pagtrabaho ug pag-proseso sa angay ihatag nga mga ayuda o tabang sa direktang mga residente.
