CAGAYAN DE ORO CITY-Gitangtang sa pagka-empleyado ug pagka-general manager sa Cagayan de Oro Water District si Engr Rachel Beja.
Kini ang gihimong kompirmasyon ni COWD chairman of the board Ed Montalvan tungod sa giingong pagkawala sa ilang pagsalig kang Beja.
Miingon si Montalvan nga wala sila matagbaw sa pag-esplikar ni Beja sa pipila ka kasupakan nga giingong nahimo niini sa COWD.
Nagdumili na pagbutyag si Montalvan kon nganong nahukman sa board ang pagpapha kang Beja sa puwesto.Samtag namugos si Rachel Beja nga dili tawhanong ang pagtangtang kaniya.
Kini human mihimo si Beja sa pipila ka pagpangutana aron matin-awan ang kasamtangang kontrata sa COWD ug MetroPac nga nag-supply sa panubig sa syudad.
Miingon si Beja nga ang maong kontrata wala magsumikad kaniya apan desisyon kadto sa tibook naglangkob sa board of trustees sa COWD.
Samtang bisan kakurat, wala matarog si Beja sa hulga sa iyang mga kauban sa Cagayan de Oro Water District.
Kusganong gibutyag ni Beja nga nagpalibin siyang nag-operar isip general manager sa COWD sulod sa iyang opisina.
Gitin-aw sa labaw sa COWD nga walay laing makapatangtang kaniya kundili ang katapusang hukom nga nagsumikad sa Civil Service Commission.
Gumikan niini nagpadalag sulat si Beja sa CSC aron sutaon kon makatarunganon ba ang gihimong lakang sa iyang mga kaubanan sa COWD kalabot na sa napalugwang “board decision of termination”.
