Gipamugos sa House Prosecution nga dili igo ang testimonya sa testigo sa depensa ni Vice President Sara Duterte aron supakon ang findings sa forensic accounting expert nga si Alexander Cabrera bahin sa matud pa 817.87 milyon pesos nga unexplained wealth.
Matud ni Deputy Speaker Francisco Paolo Ortega V, eksperto sa forensic accounting si Cabrera ug migamit kini og mga espesyalisadong pamaagi ug pagsusi aron mabatonan ang iyang nakaplagan.
Gikuwestiyon usab ni House Prosecution spokesperson ug Lanao del Sur Representative Zia Alonto Adiong ang basihan ni Atty. Suzette Balucanag-Punay sa pagsupak sa pagsusi ni Cabrera.
Mahinumdoman nga sa impeachment trial kay gipadayag ni Punay ang pagbana-bana nga dunay 20 porsiyento nga interest si Duterte sa Gencorp, apan gikumpirma niya nga nakadawat ang Bise Presidente og 2.14 milyon pesos gikan sa kompanya, sugod sa tuig sa 2022 hangtud 2025 isip pagbalik sa puhunan sa matud pa investment niini sa usa ka Jollibee branch sa davao City.
Bisan pa niini, giangkon niya nga wala niya matino ang orihinal nga kantidad sa investment ni Duterte ug wala usab siyay mapakitang sinulat nga dokumento makahatag og katin-awan sa maong transaksyon.
Una nang gilambigit ni Cabrera kang Duterte ang 212.63 milyon pesos nga matud pa wala madeklarang kita gikan sa Gencorp, na lakip sa kinatibuk-ang 817.87 milyon pesos nga giingong undeclared assets ug unexplained wealth.
Sa kasamtangan, padayon pa gihapon gidebatehan sa depensa ang maong findings sa trial sa nahibiling Article II nga impeachment Charge batok kang Duterte. (raniel mahunyag)
