Miduso’g laing legal remedy ang kampo ni kanhi Negros Oriental 3rd District Cong. Arnulfo Teves Jr sa korte sa Timor Leste.
Kini human unang namugos ang Dept of Justice nga duol nang ipapauli sa maong nasud si Teves aron makustodiya na sa Pilipinas.
Miingon ang abogado sa kanh kongresista nga si Ferdinand Topacio nga wala sila’y kasayuran sa gipanulti sa DoJ apan buhaton nila ang tanan nga proteksyonan ang seguridad ni Teves.
Si Teves ang nag-unang akusado sa pagpatay kang Negros Oriental Gov. Roel Degamo sa Pamplona niadtong Marso 2023.
