CAGAYAN DE ORO CITY-Tungod sa kakulangon sa budget sa konseho,gi-angkon ni Kag Suzzette Magtajas Dabanga lima lamang ka sampling areas ang nakuhaan sa mga water sampol palibot sa engineered landfill sa Brgy Pagalungan ning syudad.
Gibutyag ni Daba,kinsa chairman sa Task Force CdeO Landfill nga gikauban nila ang tanang hingtungdan ahensya, lakip na ang mga duha ka concerned barangay.
Unang nag-akusar si San Simon Brgy Kap Rodolfo Nacario nga nagpasagad ang DENR-10 sa pagtinir sa maong landfill tungod kay nagsakit na pamanit sa ilang katawhan ug dunay nahitabong fishkill sa suba tungod sa toxic water nga gikan sa landfill.
Apan gitin-aw ni Daba nga tulo ka managlahing laboratories ang ilang gi-hire aron makakuha sila’g lig-on nga ebidensya batok sa nag-awas nga landfill leachates gikan sa Brgy Pagalungan padulong sa Iponan river.
