CAGAYAN DE ORO CITY- Gikompirmar sa Task Force Oro nga nilangkuban sa kasundaluhan nga may mga nadawat sila nga security threats gikan sa wala panganli nga mga grupo nga laraw mosabwag kagubot sa syudad sa semana santa.
Kini ang rason nga kanunay ang ilang koordinasyon ngadto sa kapolisan aron dungan pugngan ang bisan unsa nga isabwag nga pagpanghasi sa katawhan dinhi sa dakbayan.
Miingon si Task Force Oro head Army Maj Anshary Pumbaya nga dugay na sila nakadawat sa mga impormasyon nga ibutang sa kagubot ang syudad apan dihang gipaubos nila sa subsob nga pakisusi,wala kini klaro nga tinubdan.
Apan bisan niini,walay ihatag nga kumpiyansa ang AFP ug Cagayan de Oro City Police Office pagsiguro nga luwas ang publiko ilabina sa pag-obsebar sa semana santa sunod semana.
Kabahin ang bukid sa Malasag sa Barangay Cugman ug Our Lady of Guadalupe sa Barangay Tablon sa syudad diin libu-libong ihap sa mga deboto ang modagsa niini kada-tuig.
