Gitakdang nang e-aktibo ang task force kabahin sa pagtutok sa mga klase sa pabuto nga ibaligya sa mga negosyante ngadto sa publiko alayon sa kasaulugan sa pasko ug pagsugat sa bag-ong tuig sa sa dakbayan.
Miingon si DILG City Director Edward Bhagwani nga may pasiunang panaghisgot na niini apan mag-agad sila sa hukom ni City Mayor Rolando ‘Klarex’ Uy.
Siya miingon nga kabahin sa gitakdang tukion sa task force kinuyugan sa nagkadaiyang ahensiya sa gobierno kon angay ba nga ipatuman ang total ban ug pabiling regulated ang pagbaligya sa mga klase-klaseng pabuto ngadto sap publiko.
Subay sa kasaysayan,wala sukad nagpatuman sa total ban as tanang pabuto ang syudad sa matag-saulog sa pasko ug bag-ong tuig.
Samtang mas gustuhon ni Bhagwani nga ipatuman ang total ban sa tanang matag sa pabuto sa matag-saulog sa pasko ug pagsugat bag-ong tuig.
Kini tungod kay alang kaniya,pagusik-usik lang kini sa salapi ug hinaguan sa katawhan ingon man sa mga dagkong kompanya.
Miingon si Bhagwani nga gawas nga peligro sa seguridad sa katawhan ang paggamit sa mga pabuto,dugang kahugaw lang sa kinaiyahan ang mahatag niini.
Kini ang rason nga dako siya nga uyon nga unta moabot ang higayon nga mahisama sa Davao City ang syudad nga dunay pagpatuman sa total ban batok mga pabuto.
