CAGAYAN DE ORO CITY – Gihimakak sa Task Force Bangon Marawi nga gipangkawat ang mga debri sulod sa most affected area o ang 24 ka brgy nga grabeng apektado sa gubat sa Marawi City.
Kini human unang giakusar ni Maranao Consensus convenor Drieza Lininding nga may natigayon nga lapad nga pagpangawat sa household debri samtang kamulo ang pag-rehab sa maong syudad.
Miingon si TFBM Field Office Manager Asst Sec Felix Castro nga dili tinood ang pasangil kay mismo ang syudad sa Marawi ang dunay pagtugot nga hakuton ang maong maong kargamento aron paspas ang pagtrabaho sa most affected areas.
Naguba ang Marawi City tungod sa pag-atake sa Maute-ISIS diin natigayon ang engkuwentro sugod Mayo hangtod Oktubre 2017.
