CAGAYAN DE ORO CITY- Gitin-aw ni Task Force Bangon Marawi o TFBM chairperson Sec Eduardo del Rosario nga ‘on-track’ ang rehabilitasyon sa Marawi City ug matapos kini sa Disyembre 2021.
Sumala ni Del Rosario nga maoy nakapadugay sa rehabilitasyon ang clearing operations sa mga bomba nga wala mibusikad sa ground zero.
Apan gitin-aw niini nga sugdan na ang vertical construction sa mga proyekto sa bulan sa Septyembre o kaha bulan sa Oktubre ning tuiga.
Kahinumduman nga daghang mga residente na ang nag-reklamo sa hinay nga kalambuan sa Marawi rehabilitation.
Samtang namugos ang Moro National Movement for Peace nga wala gihapoy kabag-ohan sa nagusbat nga Marawi City tungod sa gyera tali gov’t forces ug Maute-ISIS inspired group.
Gihagit ni Moro National Movement for Peace Drieza Abato ang katawhan nga bisitahon ang ilang syudad aron makita ang tinuoray nga kahimtang diin sukwahi sa gipamulong sa Task Force Bangon Marawi.
Miingon si Aboto nga anaa sa 100-mil ka mga tawo ang wala pa makauli sa ilang pinuy-anan.
