Mitala’g kasaysayan sa football ang Pilipinas human gipalukapa ang team Thailand kagabii.
Sa labing unang higayon, sulod sa 52 ka tuig, nadag-an sa RP men’s national football team ang match-up, pinaagi sa final score 2-1 alang sa nagpadayong semifinals sa ASEAN Championship AFF Mitsubishi Electric Cup.
Si Sandro Reyes ang unang naka goal sulod sa unang 21 minutos sa dula.
Natabla sa Thailand ag scoreboard human napasulod ni Suphanan Bureerat ang ilang unang goal sa ulahing minuto sa first half.
Insigida pagsulod sa second half napasulod gilayon sa 25 anyos nga si Enriquie Linares ang ikaduhang goal sa Pilipinas, ug wala na maka-apas pa ang Team Thailand.
Hisayran nga sinaksihan ang maong dula sa 7,116 ka mga Pinoy sa Rizal Memorial Stadium.
Ilusad ang Leg 2 sa semifinals sa adlaw’ng Lunes sa Bangkok,Thailand.(Bombo Anne Quileste)
