Gipaniguro sa Malakanyang nga andam ang Pilipinas kung moabot ang kusog nga linog o ang gitawag ang ‘The Big One’.
Aktibo sa Pilipinas ang West Valley Fault, nga maoy gitutukan sa mga eksperto.
Gibutyag ni Palace Press Officer Claire Castro nga halos tanang government agencies ang gapahigayon mga earthquake drill.
Regular nga gimanduan sa gobyerno ang mga building officers nga magpahigayog mga inspeksyon ug pahugtan ang paghatag sa mga building permits.
Gi-awhag sa palasyo ang katawhan nga magtinabangay sa pagpakatag sa impormasyon kabahin sa pagpangandam sa kalamidad.
