Gipamugos ni Vice President Sara Duterte nga walay igong ebidensiya ang impeachment complaints batok kaniya.
Sa labing lab-as nga press release gikan sa Office of the Vice President siya miingon nga tataw nga gigamit ang impeachment aron atakehon ang ilang political career.
Iyang giakusahan ang pipila ka pulitiko nga nagpaluyo sa mga reklamo nga gikalambigitan sa gi-ingong utok sa flood control corruption scandal, mga opisyal nga nalambigit sa ilegal nga droga, ug mga magbabalaod nga dayag nga nagposisyon sa ilang kaugalingon isip sunod nga presidente sa Pilipinas.
Gikatingala usab sa bise presidente kung nganong gilambigit siya sa usa ka alledge-kidnapper nga sama ni Madriaga, nga nailhan sa iyang bakak mga pasangil.
Gikondinar usab niini ang hangyo nga hatagan sa special treatment ang naasoy nga indibidwal samtang nagpadayon ang trauma sa mga nabiktima niini.
Gitin-aw sa bise presidente nga ang sobra nga tensiyon sa politika dili makahatag sa maayong dungog ug dugang pasanin sa mga OFWs, mga kabus, ug pamilyang Pilipino.
