CAGAYAN DE ORO CITY, Philippines – Mipanaw na sa laing kalibutan si American actress Gena Rowlands, sa edad 94.
Naila si Rowlands pinaagi sa iyang mga papel sa labing sikat nga pelikulang “The Notebook” ug ang 1988 drama movie hit, “Another Woman”.
Nagsugod ang showbis career sa actress dekada 70 dihang na nominar gilayon kini sa Oscars sa 1974’nga pelikulang Woman Under the Influence, ug ang 1980’s American neo-noir crime thriller nga nag-uluha’g “Gloria”.
Segun sa report, nakabsan ang beteranang aktres sulod sa iyang puy-anan sa Indian Wells, California.
Wala na mihatag detalye ang pamilya ni Rowlands sa hinungdan sa iyang pagtaliwan, apan dugay nang nabaniog nga nag-antos kini sa Alzheimer’s disease.
Dumduman nga opisyal nga gipalanog sa aktress ang iyang pag-retiro sa show business sa tuig 2015 bitbit ang iyang upat ka mga nagdag-ang Emmys Trophy, duha ka Golden Globes Awards ug duha Oscar nominations.
