CAGAYAN DE ORO CITY, Philippines – Gihupay ni Australian Prime Minister Anthony Albanese ang katawhan sa Australia, batok sa threat alert nga nadawat sa spy agency sa maong nasud.
Kagahapon, human ang usa ka dekada nga paghupay sa tensyon batok sa Far Right ug mga Pro-Refugees, giseguro sa primo ministro nga dili masundog sa ilang katawhan ang “trending civil unrest” sa kalibutan, sama sa pagsumpaki sa mga raliyesta sa United Kingdom, Paris, France ug bisan ang kagubot sa sulod sa Gaza.
Una niini, gipatas-an sa gobyerno sa Australia ang ilang threat alert aron dali makontrolar sa kapulisan ang bisan unsang tensyo sa mga komunidad, nga magpabilo sa dakung kalisang sa tibook nasud.
Kahinumduman nga adunay mga nasikop ang kapulisan tungod sa mga radical group nga gustong ipapalayas sa ilang nasud ang mga muslim ug Hudyo, sukad mibutho ang kagubot sa Gaza niadtong Oktobtre 2023.
