Nanawagan ang pederasyon sa mga tradisyonal nga lider nga sigurohong mapanalipdan ang matag boto ug walay mahitabong tikas sa makasaysayanong Setyembre 14 nga BARMM parliamentary elections.
Sumala sa representante sa Southern Cultural Communities and Traditional Arts nga si Ayesha Merdeka Alonto, gikinahanglang bantayan sa tibuok nasod ang maong piniliay tungod kay kini ang unang higayon nga magpili ang katawhan sa ilang kaugalingong gobyerno.
Gitin-aw sa opisyal nga dili kini ordinaryo nga eleksyon tungod kay nakataya dinhi ang dungog ug kaugmaon sa tibuok rehiyon.
Tungod niini, gihangyo sa lider nga magmabinantayon ang tanan ug likayan ang bisan unsang pamaagi nga makadaut sa kalampusan sa maong bugno sa politika.
