CAGAYAN DE ORO CITY – Nasikop sa entrapment operation sa kapolisan ang sakop sa sindikato nga namaligya’g peke nga vaccination card balor sa mil-500 ang matag-usa sa pipila ka residente ning syudad.
Giila ni City Mobile Force Company commander Lt Col Alfredo Ortiz Jr ang suspek nga si Marjel Jacinto Parata,ulitawo nga nagpuyo sa Tangub City,Misamis Occidental ug nag-abang sa dakbayan.
Miingon si Ortiz nga nakomiskar gikan sa suspek ang mismong fake vaccination card ug marked money nga mil-500 pesos sa operasyon sa Gaston Park,Brgy 1 ning syudad.
Dugang sa opisyal nga natumbok na usab nila ang gitudlo ni Parata nga giingong tinubdan niya sa mga peke nga vaccination cards.
