CAGAYAN DE ORO CITY (update) – Gikustodiya na sa 1st Infantry Division sa Phil Army ang usa ka supporter sa teroristang grupong Dalwa Islamiah nga ilado sab nga tigrasyon sa pagkaon sa mga Maute-ISIS terrorist sa Lanao del Sur.
Sa pakighinabi sa Bombo Radyo Cagayan de Oro kang 1ID spokesman Clint Antipala, iyang gibutyag nga usa ka lalaki ang miduol sa 49IB ug nagpailang katabang sa mga terrorista.
Bitbit niini ang 0.30 US carbine rifle.
Nagdumili sa pagbutyag sa ngalan sa mitahan si Antipala aron protektahan ang iyang identidad.
Base sa report, ang surrenderee residente sa Brgy Cadayunan, Lumbayanague Lanao del Sur.
Mi-angkon ang surrenderee sa militar nga gikapoy na silag panago sa bukid, ug mibati sa grabeng kagutom.
Gawas niini, gibulgar sa mitahan nga nagkanipis na ang ihap sa mga terorista tungod sa walay puwas nga opensiba sa mga militar.
Unang namahayag si Antipala nga gi-recruit ang surrenderee bugti sa dakung salapi gikan sa managsuong Maute.
Ang pamahayag ni 1ID spokesman Clint Antipala
.
