Nakit-an na sa Philippine Atmospheric Geophysical and Astronomical Services Administration (PAG-ASA) ang tanan timailhan aron ideklarar ang pagtak-up sa summer season.
Gikompirmar ni Si Ana Liza Solis, Climate Monitoring and Prediction Section Chief sa PAG-ASA nga posibleng sa sunod semana, madeklarar na ang Ting Ulan o Rainy Season.
Si Solis miingon nga nakita na nila ang normal onset sa ting-ulan ug kasagaran kini mahitabo sa tunga-tungang semana sa Mayo hangtod sa unang duha ka semana Hunyo.
Aron pormal nga edeklarar ang rainy seaon, kinahanglan makapadayon ang sunod-sunod nga pag-ulan ug matuman ang mga criteria sa PAGASA, sama sa pagbaylo sa huyop hangin gikan sa sidlakan padulong sa habagat.
Ang mga patterns sa pag-ulan sa hapon ug gabii, usa usab sa mga senyales nga hapit na ang ting-ulan.
Kuyog sa pagsulod sa rainy period sa nasud ang panawagan sa ahensya sa mga mag-uuma ug mga namuyo sa low lying ug flood prone areas nga magigmat sa mahitabong mga flashfloods, dala sa managlahing weather disturbance sama sa ITCZ, bagyo, localized ug severe thunderstorms.
