CAGAYAN DE ORO CITY – Nakit-an na apan wala na’y ulo ug sulod nga internal organs ang tiyan ang 15 anyos nga estudyante nga unang milukso sa Maharlika Bridge sa syudad kaganihang buntag.
Miingon si Police Capt Gil Dacer Caday,hepe sa Sugbongcogon Police Station nga mismo ang ginikanan ang miila sa biktima nga si John Carlo Joaquin taga- Brgy Tablon ug tinun-an sa pribadong tunghaan ning syudad.
Namahayag si Caday nga nakit-an ang patay’ng lawas sa biktima samtang naglutaw-lutaw sa Sitio Mindalama,Purok 4,Brgy Silad,Sugbongcogon ning lalawigan.
Una nang gipangita sa Philippine Coast Guard ang biktima sukad kini milukso sa tulay sa miaging petsa 5 sa Mayo sa gabii.
Dumduman nga duha sila nga milukso sa maong tulay apan naluwas ang tinun-ang babaye.
Hisayrang si John Carlo ang ikatulo nga biktima nga namatay sukad kalit nauso nga dunay kalit manglukso sa maong tulay ning syudad.
