CAGAYAN DE ORO CITY-Naghikog-patay ang grade 8 student gamit ang bakus nga gihikot sa iyang li-og sa Brgy Solana, Jasaan, Misamis Oriental.
Kini human giingong unang gimaymayan kon nganong kalit nanambok diin gidudahan nga nagsabak.
Giila ni C/Insp Rogelio Labor Jr, hepe sa Jasaan Police Station ang biktima nga si alyas Angelie nga tinun-an sa Jasaan National High School sa maong lungsod.
Mismo ang inahan sa biktima ang naka-diskobre sa pagbitay sa anak hinungdang gidali pagdala sa ospital.
Andam usab moabag ang kapolisan kon gusto sa pamilya nga ipaubos sa otopsiya ang patay’ng lawas niini nga naghikog kagahapong adlawa.
