CAGAYAN DE ORO CITY – Hustisya ang singgit sa mga ginikanan ni Janice Bajenting human makit-an ang iyang patay’ng lawas sa kasagbutan sa Sitio Kibaruk,Brgy Casisang,Malaybalay City Bukidnon.
Gibutyag ni Malaybalay City Police Office commander Supt Alfredo Ortiz Jr nga maoy nasikop ang mga suspek nga sila si Generso Talirongan, 56 anyos ug Jose Ramil Quillobe, 50 anyos nga nagpuyo sa Brgy San Jose sa maong dapit.
Gikan sa tunghaan ang 12 anyos nga biktima dihang gisignit sa mga suspek nga nagsilbing treasurer hunters ug gidala sa hilit nga lugar diin giingong natigayon ang ngilngig nga kremin.
Namahayag si Ortiz nga kasuhan nila sa rape with homicide ang mga suspek sa piskalya sa Malaybalay City ning adlawa.
