CAGAYAN DE ORO CITY-Problema sa gugma ang gidudahan nga rason sa pamilya sa tinun-an nga naghikog-patay diha sa may Zone 12, Upper Carmen ning syudad.
Ang biktima naila nga si Erick Cagampang, 4th year High School student ug residente sa maong dapit.
Sumala sa inahan sa biktima nga si Elsa Cagampang nga kanunay ga-away ang iyang anak ug ang hinigugma niini sa wala gikabutyag nga rason.
Naghikog ang biktima pinaagi sa paghikot sa bakos sa iyang liog.
Gidala pa kini sa ospital apan wala na matabang sa mga doktor ang iyang kinabuhi.
