Mikaylap ang pinakadako nga measles outbreak sa Estados Unidos sulod sa kapin 30-ka tuig. Sumala sa datos sa Federal Health, miabot na sa kapin 930-ka kaso ug gibalak-an nga mosaka pa tungod sa daghang bata nga wala pa mabakunahi. Aron malikayan ang pagkaylap sa virus, ang mga doktor ug nurse sa Parkside Pediatrics clinic nagpatuman og outdoor triage diin susihon ang mga pasyente sa parking area imbes sa sulod sa waiting rooms. Gipadayag sa mga eksperto nga ang pagtaas sa gidaghanon sa mga indibidwal nga supak sa pagbakuna, nagpasamot sa risgo sa outbreak.
