CAGAYAN DE ORO CITY, Philippines – Mipanaw na ang usa sa sikat nga miyembro sa Jackson 5 nga si Tito Jackson sa edad na 70.
Si Tito maoy ikatolo sa siyam ka managsuong Jackson.
Iyang manghud sila hollywood singer actress Janet Jackson ug ang namatay nga legendary singer nga si Michael Jackson.
Ang kamatayon ni Tito gikompirmar sa iyang mga anak nga sila a TJ, Taj ug Taryll, apan wala na misulti sa detalye sa iyang kamatayon.
Ang bandang Jackson 5 gilangkoban nila Jackie, Tito, Jermaine, Marlon ug Michael.
Ang family band unang na induct sa Rock & Roll Hall of Fame sa tuig 1997. Gipasikat nila ang mga kantang “ABC”, “I Want You Back” ug “I’ll Be There”.
