Gipahigayon ang 2026 ASEAN-Korea Music Festival o ROUND Festival niadtong Nobyembre 7 hangtud 8 sa Namdong Gymnasium sa Incheon, South Korea, diin usa sa mga artist nga gipasundayag ang Kagay-anong mag-aawit ug composer nga si TJ Monterde.
Gilakip si Monterde sa mga artistang gikatakdang mopasundayag sa ikaduhang adlaw sa maong pista sa musika, Nobyembre 8, kauban ang mga mag-aawit ug grupo gikan sa nagkalain-laing nasud sa ASEAN ug South Korea.
Lakip sa mga espesyal nga kalihokan nga gihimo atol sa festival ang Fan Meet-Up, diin gihatagan og higayon ang mga fans gikan sa mga nasud sa ASEAN nga nagpuyo sa South Korea nga makigkita sa mga artistang nagrepresentar sa ilang tagsa-tagsa ka nasud.
Ang ROUND kay usa ka inisyatibo nga gilusad niadtong tuig sa 2020 aron mapalambo ang panagbayloay sa kultura ug kolaborasyon sa musika tali sa mga nasud sa ASEAN ug South Korea. (raniel mahunyag)
:max_bytes(150000):strip_icc():focal(672x320:674x322)/Lea-Salonga-hollywood-walk-of-fame-0-090426-b2e222a09bd84848a1fa8b56940f1d3b.jpg "Lea Salonga, gikatakdang mosalmot sa ASEAN Inclusive Growth Summit 2026")
