CAGAYAN DE ORO CITY – Napriso ang tokhang surrenderee human subli mibalik sa pagpamaligya sa shabu sa Brgy. Indahag ning syudad.
Sa pakighinabi sa Bombo Radyo kang Captain Rodney Gaid, hepe sa Villanueva Police Station iyang giila ang dinakpan nga si Jundy Jovita, 31 anyos, molopyo sa maong brgy.
Namahayag si Gaid nga namaligya sa shabu ang suspek ubos sa ilang lungsod ug nakuha sa iyang posisyon sa drug buy bust operation ang duha ka dagko nga pakete ug laing duha ka gagmay nga sachet nga gitoohang dunay sulod nga shabu.
Gibana-bana nga moabot sa P80,000 ang market value sa ilegal nga druga ang nakuha sa suspek.
