CAGAYAN DE ORO CITY-Nagdumili na ang pamilya nga ipaubos sa otopsiya nag patay’ng lawas sa tomboy nga nahulog sa tulay sa Tierra del Puerto,Bontong,Brgy Camaman-an ning syudad.
Kini human unang napakog sa bato ang ulo sa biktima nga si Jeralyn Quimzon,31 anyos dihang hubog nga miuli hinungdan nahulo sa gibaklayan niini nga tulay sa lugar.
Gibutyag ni Sr/Insp Dennis Quindara,hepe sa Cogon Police Station nga gilayong midalikyat ang SOCO team aron mahiling ang lawas sa biktima apan mibalibad na ang pamilya niini sa wala mabutyag nga rason.
Nasayran nga gikan sa inom ang biktima kuyog ang mga higala niini dihang sa pagtabok sa tulay nahulog ug nabundak ang ulo hinungdan kamatayon niini.
