CAGAYAN DE ORO CITY, Philippines – Paslak na sa prisonan ang 45 anyos nga suspek nga may unom ka ihap sa kasong pagpanglugos didto sa Brgy Hinaplanon, Iligan City.
Namahayag ang Kibawe Municipal Police Station ubos sa Bukidnon Police Provincial Office nga ang dinakpan nagsilbing top 1 most wanted person provincial level sa Bukidnon.
Ang warrant of arrest sa suspek nalugwa niadto pang Mayo 22.
Hinoon, gihatagan sa korte sa tsansa nga maka – piyansa ang suspek sa balor 100,000 pesos gumikan kay ang iyang kaso anaa sa kategoryang “second form of rape” o pagpanglugos sa biktima samtang wala kini panimoot.
Nahitabo ang kremin sa Bukidnon, busa gikoral karon ang suspek sa kostodiya sa Kibawe MPS.
