CAGAYAN DE ORO CITY-Nasikop sa PDEA-10 ang gikonsiderar nga top 10 nga tigpayuhot sa ilegal nga droga dinhi sa syudad.
Gibutyag ni PDEA agent Ben Calibre nga maoy ilang nasikop si Walter Rocero ingon man ang iyang kapikas nga si Antonette Rocer nga nagpuyo diha sa Brgy Bugo sa syudad kagahapon sa buntag.
Nakuha gikan sa magtiayon ang dul-ag 20-mil pesos nga gitoohang shabu ug drug paraphernalia.
Nakuha usab ang kalibre 45 nga arms ug notebook diin nakalista ang mga pangalan sa mga tawo nga gihatdan niini sa mga suplay sa shabu.
Gitakdang mag-atubang sa kasong pagpayuhot sa ilegal nga druga ubos sa RA 9165 kon Dangerous Drugs Act ang mga dinakpan sa piskalya ning syudad karong adlawa.
