CAGAYAN DE ORO CITY, Philippines – Hatagan sa pag-ila sa San Miguel Corporation-Philippine Sportswriters Association (SMC-PSA) ang tanan top basketball ug volleyball players sa Pilipinas, alang sa ipahigayon nga Awards Nights sa The Manila Hotel grand ballroom karong Enero 27.
Lakip sa mudawat sa special awards sila Philippine Basketball Association (PBA) star June Mar Fajardo, collegiate standout Kevin Quiambao, ug volleyball star Jia Morado-De Guzman.
Sila Fajardo ug Quiambao maoy mudawat sa Mr. Basketball (pro and amateur) awards, samtang ang 5-foot-7 setter nga si Morado-De Guzman maoy musakmit sa Ms. Volleyball award.
Ang 6-foot-10 PBA star nga si Fajardo, makapila na nakadawat sa pasidungog sa PSA, apan si Quiambao ug De Guzman mao pa ang ilang labing unang pag-ila nga gihatag sa prestihiyosong award-giving body.
Ang pinaka highlight sa seremonya mao ang paghatag sa 2024 Athlete of the Year ug kini gipahinungod kang Carlos Yulo, kini sa mihakot sa duha ka medalyang bulawas sa Olympic Games sa Paris.
