CAGAYAN DE ORO CITY-Gitugyan na Bukidon Provincial Police Office si Pulang Bagani Command Southern Mindanao Regional Committee lider Elizalde Cañete alias Ka Jinggoy sa grupong New People’s Army o NPA sa Davao City Police Office.
Kini human gisilbi kang Cañete ang warrant of arrest igo paggawas niini gikan sa ospital sa Don Carlos,Bukidnon sa gabii sa Lunes.
Miingon si Eastern Mindanao Command spoksperson Maj Ezar Balagtey nga daghang kasong kriminal ang giatubang ni Cañete mismo sa Davao Region.
Si Cañete unang na ospital dihang nasamdam sa engkuwentro sa mga sundalo sa lungsod sa Kitaotaon,Bukidnon sa miaging semana.
Gihulipan usab niini ang napatay sa engkuwentro nga si Leoncio Pitao alyas “Ka Parago” sa Brgy Pañalum,Paquibato District,Davao City niadtong Hunyo 2015.
